Имрӯз, 5 – уми ноябри соли 2024 дар доираи нақша – чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҷиҳати сазовор истиқбол гирифтани 30 солагии Рӯзи Конститутсияи Ҷумҳурии Тоҷикистон аз ҷониби Муассисаи давлатии Мактаби ҷумҳуриявии маҳорати олии варзишӣ оид ба варзиши сабук дар Донишкадаи тарбияи ҷисмонии Тоҷикистон ба номи Саймуъмин Раҳимов таҳти унвони “Конститутсия – бахтномаи миллат, калиди маърифат дар татбиқи рушд ва оммавияти варзиш” ҳамоиши илмӣ – назарявӣ доир гардид. Ҳамоиш таҳти раёсати Зулфиқор Гулаҳмадзода – Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Муҳаммадшо Абдуллозода – ректори Донишкадаи тарбияи ҷисмонии Тоҷикистон ба номи Саймуъмин Раҳимов баргузор гардида, дар он мутахассисону олимони соҳаи ҳуқуқ маърузаронӣ намуда, масъулини зерсохторҳои Кумита ва омӯзгорону донишҷӯёни донишкада иштирок намуданд. Пеш аз оғози ҳамоиш аз ҷониби дастпарварони Муассисаи давлатии Мактаби ҷумҳуриявии маҳорати олии варзишӣ оид ба варзиши сабук ва донишҷӯёни Донишкадаи тарбияи ҷисмонии Тоҷикистон ба номи Саймуъмин Раҳимов дастовардҳои соҳа ва мусобиқаҳои варзишӣ намоиш дода шуда, ҳамчунин чанд намуд сабқатҳои варзишии миёни донишҷӯёни донишкада роҳандозӣ гардида натиҷагирӣ карда шуда, беҳтаринҳо бо медал, ҷом, сипоснома ва туҳфаҳои хотиравӣ қадршиносӣ гардиданд. Раиси Кумита ҳозиринро ба ифтихори 30 – солагии Рӯзи қабули Конститутсияи Ҷумҳурии Тоҷикистон сидқан табрик намуда, дарҷ намуданд, ки қабули Конститутсияи Ҷумҳурии Тоҷикистон ҳамчун санади сарнавиштсоз барои бунёди давлати соҳибихтиёр, таъмини сулҳу субот ва ваҳдати миллӣ заминаи устувор гузошта, омили асосии кафолати устувории ҳаёти сиёсии ҷомеа дар раванди таҳкими ҳокимияти давлатӣ ва аркони давлатдорӣ нақши барҷаста бозид. Конститутсияи Ҷумҳурии Тоҷикистон мояи ифтихор ва сарфарозии ҳар як ҷавони кишвар буда, риояву эҳтироми муқаррароти он замонати саодату сарбаландии миллат аст. Меҳмонон доир ба таҳкими низоми қонунгузори ва нақши Пешвои миллат дар таҳия ва қабули Конистутсия маърӯзаронӣ намуда, дар фарҷоми ҳамоиш ба фаъолон Сипосномаи Кумита супорида шуд. Ҳамзамон дар фарҷоми ҳамоиш гурӯҳи ҳаваскорон бо сурудҳои ватандӯстӣ фазои чорабиниро гарму мунаввар гардониданд. Маркази таҳлил ва иттилооти Кумита
