Дар доираи сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба шаҳру ноҳияҳои ВМКБ иншооти таъиноти гуногун мавриди истифодаву баҳрабардорӣ қарор дода мешаванд.
Имрӯз, 12 октябри соли 2024 Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, раиси ноҳияи Ишкошим ва намояндаи Ҳукумати Ҷумҳурии Тоҷикистон, директори Маркази миллии қонунгузории назди Президенти Ҷумҳурии Тоҷикистон дар рафти ифтитоҳи майдончаи варзишӣ дар деҳоти Рэни ҷамоати деҳоти Рустамбек Юсуфбекови ноҳияи Ишкошим, ки бо ташаббуси ҷавонони ҳамин маҳал бунёд гардидааст иштирок намуда, иншооти варзиширо мавриди баҳрабардорӣ қарор доданд.
Сохтмони майдончаи варзишӣ дар доираи Барномаи корҳои ободонӣ бахшида омодагиҳо ба ҷашни 35-солагии Истиқлоли давлатии Ҷумҳурии Тоҷикистон аз ҷониби ҷавонони ватандӯстӣ деҳоти Рэни ноҳия сохта ба истифода дода шуд, ки дар рушду нумӯи варзиш ва таъмини тарзи ҳаёти солим дар ин гӯшаи дурдасти ҷумҳурӣ хизмат хоҳад кард.
Майдончаи варзишӣ бо ҷойгиркунонии майдони футбол дар масоҳати (18х30 ) 540 метри мураббаъ сохта шудааст.
Дар рафти корҳои сохтмонӣ аз 10 то 17 нафар сокинони маҳаллӣ бо ҷойи кори муввақатӣ ва маоши хуб таъмин буданд.
Зимни ифтитоҳи иншоотҳои мазкур Раиси Кумита бо ҷавонону сокини маҳал сӯҳбат намуда, дарҷ намуданд, ки ба машғулиятҳои варзишӣ дар вақтҳои холигӣ машғул шудан яке аз роҳҳои муфиди пешгирӣ аз гаравидан ба ҳар гуна ҳизбу ҳаракат ва ақидаҳои иртиҷоӣ мебошад.
Майдончаи варзишиӣ дар чунин деҳаи дурдаст имкон медиҳад, ки наврасону ҷавонон дар вақти машғулиятҳои варзишӣ ба обу тоби бадан ва тақвият додани истеъдоди варзишии худ машғул шуда, вақти хешро самаранок истифода намоянд.
Гирду атрофи майдонча бо баландии 4 метр панҷарабандӣ карда шуда, бо чароғҳои равшанидиҳанда таъмин мебошад, ки имкони дар қисмати бегоҳ ва шабона барои бозии футбол муҳайё мебошад.
Раиси Кумита ба сифати корҳои сохтмонӣ дар ин иншооти муосири варзишӣ баҳои баланд доданд. Бо таваҷҷуҳ ба ин ки варзиш дар ҷаҳони муосир яке аз василаҳои муҳимтарини муаррифии миллату давлат ба ҳисоб меравад, раиси Кумита аз ҷавонон даъват ба амал оварданд, ки бештар ба варзиш машғул шаванд ва тарзи ҳаёти солимро шуғли доимии худ интихоб намоянд.
Ҳамчунин ба варзишгарону ҷавонони фаъол сипосномаи Кумита ва тӯҳфаҳои хотиравию лавозимоти варзишӣ тақдим карда, ба фаъолияти ин майдончаи варзишӣ оғоз бахшиданд.
Маркази таҳлил ва иттилооти Кумита
