Дар доираи сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба шаҳру ноҳияҳои ВМКБ иншооти таъиноти гуногун мавриди истифодаву баҳрабардорӣ қарор дода шуданд.
Имрӯз, 13 октябри соли 2024 муовини раиси Кумитаи ҷавонон ва варзиши назди Ҳукумати Ҷумҳурии Тоҷикистон, Раиси ноҳияи Шуғнон ва дигар намояндагони Ҳукумати Ҷумҳурии Тоҷикистон дар рафти ифтитоҳи майдончаи варзишӣ дар деҳаи Хосаи ҷамоати деҳоти Поршневи ноҳия иштирок намуда, иншооти мазкурро мавриди баҳрабардорӣ қарор доданд.
Майдончаи варзишии деҳаи Хосаи ҷамоати деҳоти Поршнев аз ҷониби Шарикони рушд ва ҷавонони деҳаи мазкур бунёд гардида, барои рушди малакаи варзишии наврасону ҷавонони деҳаи мазкур ба истифода дода шуд.
Гирду атрофи майдончаҳо бо баландии 6 метр панҷарабандӣ карда шуда, бо чароғҳои равшанидиҳанда таъмин мебошад, ки имкони дар қисмати бегоҳ ва шабона барои бозии футбол муҳайё мебошад.
Маркази таҳлил ва иттилооти Кумита
