Имрӯз, дар шаҳри Душанбе Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷогӣ бо Мақомоти иҷроияи ҳокимияти давлатии шаҳри Душанбе ва Сафорати Ҷумҳурии Ҳиндустон дар Тоҷикистон бахшида ба 32 – солагии истиқрори муносибатҳои дипломатӣ байни Ҷумҳурии Тоҷикистон ва Ҷумҳурии Ҳиндустон сеюмин «Дави дӯстӣ» – ро баргузор намуд.
Дар расми ифтитоҳи чорабинии варзишӣ роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Мақомоти иҷроияи ҳокимияти давлатии шаҳри Душанбе ва Сафорати Ҷумҳурии Ҳиндустон дар Тоҷикистон иштирок ва суханронӣ намуданд.
Дар маросими ифтитоҳ таъкид гардид, ки мақсад аз ташкили «Дави дӯстӣ» тарғиби тарзи ҳайёти солим, оммавигардонии варзиш ва таҳкими дусти байни Ҷумҳурии Тоҷикистон ва Ҷумҳурии Ҳиндустон мебошад.
Дави мазкур дар ду масофа — 3,3 км ва 7,8 км аз назди «Наврӯзгоҳ»-и пойтахт то буриши кӯчаи Карамов ва хиёбони Ҳофизи Шерозии шаҳри Душанбе миёни мардон ва бонувон доир гардида, баъд аз тай намудани масофаҳои мазкур ғолибону ҷоизадорони «Дави дӯстӣ» аз ҷониби ташкилкунандагон бо диплом ва туҳфаҳои пуливу молӣ қадрдонӣ гардиданд
Дар ин чорабинии варзишӣ кормандони вазорату идораҳои давлатӣ, устодону донишҷӯёни муасисаҳои таҳсилоти оли касбӣ, сокинони пойтахт, дӯсторони дав, ҷавонону варзишгарони шаҳри Душанбе ва донишҷӯёну шаҳрвандони кишвари Ҳиндӯстон, ки дар пойтахти мамлакат таҳсил ва иқомат мекунанд фаъолона ширкат варзиданд.
Қобили зикр аст, ки муносибатҳои Тоҷикистону Ҳиндустон ҳанӯз аз аввали солҳои соҳибистиқлолӣ, аниқтараш аз 28-уми августи оли 1992 ба роҳ монда шуда, Ҳиндӯстон барои Тоҷикистон ҳамчун кишвари дӯст шинохта шудааст.
Маркази таҳлил ва иттилооти Кумита
