Имрӯз, 10 – уми октябри соли 2024 дар доираи сафари корӣ ба ВМКБ, Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар толори Гимназияи рақами №1 ноҳияи Дарвоз бо ҳайати ҷавонони фаъол, гирандагони стипендияҳои Президентиву вилоятӣ ва хонандагони курси омӯзишии “Пайравони Пешвои миллат” дар ноҳия мулоқот намуданд.
Зимни сӯҳбат бо ҷавонони ноҳия Раиси Кумита дарҷ намуданд, ки имрӯз мо бояд дар марҳилаи нави рушди Тоҷикистон барои таҳкими иттиҳоду ягонагӣ ва ҳифзи манфиатҳои миллӣ беш аз ҳарвақта баҳри таҳкими фазои осоиштаи ватани биҳиштосои худ, афзун гардонидани дастовардҳои даврони соҳибистиқлолӣ ва сазовор гардидан ба боварии мардуми шарафманд муттаҳидиву якдилӣ, бародарӣ, поквиҷдонӣ ва хислатҳои неки инсониро пешаи роҳи худ қарор дода, баҳри якпорчагиву ҳифзи ҳар зарра хоки муқаддаси Ватани худ синаи худро сипар кунем ва бо пуштибонӣ аз сиёсати пешгирифтаи Пешвои миллат, муҳтарам Эмомалӣ Раҳмон дар роҳи ҳифзи муқаддасоти миллӣ, бунёди давлати навин, ваҳдату ҳамбастагии саросарӣ ва муаррифии кишвар дар арсаи байналмилалӣ талошу ташаббусҳои беназирро устуворона идома диҳем.
Дар фарҷоми мулоқот як нафар собиқадори соҳаи маориф омӯзгори Гимназияи мазкур ба Раиси Кумита ҷиҳати баргузории чунин сӯҳбату вохӯрӣ бо ҷавонони ноҳия ва талқин намудани ҳисси ватандӯстӣву бедории миллӣ дар замири онҳо изҳори ташаккури намуданд.
Ҳамзамон Раиси Кумита аз шароити варзишии толору майдончаҳои Гимназия дидан намуда, ҷиҳати ҳарчи бештар ҷалб намуданди наврасону ҷавонони ноҳия ба тарзи ҳаёти солим ва оммавигардонии варзиш ба масъулин дастуру супоришҳои мушаххас доданд.
Маркази таҳлил ва иттилооти Кумита
