Дар рӯзи дуюми мусобиқаи Baku Grand Slam 2025 дар шаҳри Бокуи Озарбойҷон ҷудокори ҷавони тоҷик Беҳрӯз Хоҷазода пас аз тағйири вазнг (аз 73 кг ба 81 кг) дар аввалин мусобиқаи соли 2025 мақоми ҳафтумро соҳиб шуд. Дар вазни Хоҷазода 33 ҷудокор ширкат варзиданд.
Паҳлавони мо Беҳрӯз Хоҷазода дар вазни нав қадам ба қадам ба пеш ҳаракат кард, аммо ба гирифтани зинаҳои фахрӣ ноил нашуд. Беҳрӯз Хоҷазода зери вазни то 81 кг дар даври аввал озод буда, дар даври дуюм Тимо Кавелиус аз Олмон ва дар даври сеюм Сулаймон Шукуров аз Озарбойҷонро шикаст дода, ба даври чаҳорякниҳоӣ роҳ ёфт.
Дар ин марҳила Хоҷазода бо Аскерби Гербеков аз Баҳрайн нерӯсанҷӣ карда ноком шуд ва ба даври тасаллобахш рафт.
Хоҷазода дар даври чаҳорякниҳоӣ аз Аскерби Гербекови баҳрайни шикаст хӯрда, ба даври тасаллобахш рафт. Беҳрӯз дар даври тасаллобахш аз ҷудокори бетараф Егор Сухопаров мағлуб шуда, мақоми ҳафтумро касб намуд. Дар вазни нав воқеан имрӯз Хоҷазода аз худ ҳунару маҳорати воло нишон дод.
Ёдовар мешавем, ки имрӯз дар мусобиқаи Baku Grand Slam 2025 дар шаҳри Бокуи Озарбойҷон паҳлавони ҷавони тоҷик Абубакр Шеров дар вазни то 73 кг барандаи нишони биринҷӣ шуд. Сомон Маҳмадбеков дар вазни то 81 кг барои нишони биринҷӣ бо бо ҷудокори бетараф Егор Сухопаров нерӯсанҷӣ мекунад.
Ҷудокори дигари мо Муҳиддин Асадуллоев (-73 кг) дар даври аввал аз Гиоргий Чихелидзеи гурҷӣ мағлуб шуда, аз идомаи рақобатҳо маҳрум шуд.
