Имрӯз, 14 – уми феврали соли 2025 дар толори Мактаби таҳсилоти миёнаи умумии назди Сарраёсати маорифи шаҳри Душанбе Ҳамоиши шаҳрии гирандагони стипендияи Президентӣ, Раиси шаҳр, раисони ноҳияҳо ва ғолибони озмунҳои шаҳриву ҷумҳуриявӣ ва байналмилалӣ доир гардид.
Чорабинӣ таҳти раёсати Зулфиқор Гулаҳмадзода – Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон доир шуда, дар он сардори раёсат ва ҳайати кормандони Раёсати кор бо ҷавонон ва варзиши пойтахт, масъулини Сарраёсати маорифи шаҳри Душанбе, гирандагони стипендияи Президентӣ, Раиси шаҳр, раисони ноҳияҳо, ғолибону ҷоизадорони озмунҳои шаҳриву ҷумҳуриявӣ ва волидони онҳо иштирок намуданд.
Раиси Кумита иброз доштанд, ки бо пайравӣ аз сиёсати созанда ва бунёдкоронаи Пешвои миллат муҳтарам Эмомалӣ Раҳмон, имрӯз насли наврасу ҷавон ба имконотҳои бузурги моддиву маънавӣ дар пойтахти кишвар шарафёб гардидаанд.
Илова намуданд, ки иқдомҳои наҷиб ва ғамхоронаи Пешвои муаззами миллат нисбат ба насли наврасу ҷавон аз рӯзҳои нахустини соҳибистиқлолии кишвар бараъло эҳсос гардида, ба хотири рӯҳбаланд намудани наврасону ҷавонон ва бо мақсади таъмини таҳсилоти муносиби ҷавонон як қатор имтиёзҳо, аз ҷумла стипендияҳои Президенти Ҷумҳурии Тоҷикистон барои хонандагону донишҷӯёни муассисаҳои таҳсилоти миёнаи умумӣ, ибтидоӣ ва миёнаи касбӣ, ки бо баҳои аъло таҳсил ва дар корҳои ҷамъиятӣ фаъолона иштирок менамоянд, таъсис дода шудааст.
Дар ин баробар аз ҷониби масъулин вобаста ба дастуру супоришҳои Раиси шаҳри Душанбе муҳтарам Рустами Эмомалӣ дар заминаи озмунҳои шаҳриву ҷумҳуриявӣ ҷиҳати ҷалби бештари наврасону ҷавонон ба илмомӯзӣ ва рӯ овардани онҳо ба китобхониву рафтан ба китобхона таъкид карда шуд.
Дар идома ба гирандагони стипендияи Президентӣ Ҷумҳурии Тоҷикистон маблағи стипендия тақдим карда шуда, дар фарҷоми барономаи фарҳангӣ бо иштироки наврасону ҷавонони пойтахт пешниҳоди иштирокчиён гардонида шуд.
Маврид ба таъкид аст, ки имрӯз дар шаҳри Душанбе 302 нафар наврасону ҷавонон гирандагони стипендияи Президентӣ, 240 нафар гирандагони стипендияи Раиси шаҳри Душанбе ва 170 нафар гирандагони стипендияҳои раисони ноҳияҳо мебошанд.
Дар пойтахти Ҷумҳурии Тоҷикистон шаҳри Душанбе дар доираи дастгириву таваҷҷӯҳи Раиси шаҳри Душанбе озмунҳои гуногун ба хотири дарёфти истеъдодҳои ҷавон роҳандозӣ гардида, ҳамасола ҷавонон аз имкониятҳои гуногун бархурдор гардида, ҳавасманд гардонида мешаванд.
Маркази таҳлил ва иттилооти Кумита
