Имрӯз дар доираи нақша – чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон оид ба натиҷагирӣ аз фаъолияти зерсохторҳои Кумита дар давоми соли 2024 дар Муассисаи давлатии “Мактаби ҷумҳуриявии маҳорати олии варзишӣ оид ба намудҳои варзиши обӣ” ҷаласаи ҳисоботӣ баргузор гардид.
Ҷаласа таҳти раёсати Зулфиқор Гулаҳмадзода – Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон доир гардида, дар он роҳбарият ва ҳайати кормандону собиқадорони Муассисаи давлатии “Мактаби ҷумҳуриявии маҳорати олии варзишӣ оид ба намудҳои варзиши обӣ” ширкат варзиданд.
Нахуст ҳисоботи мактаби ҷумҳуриявӣ зимни фаъолият дар соли 2024 шунида шуда, мавриди муҳокима ва баррасӣ қарор гирифт.
Ҳисоботи Муассиса зимни фаъолият дар соли 2024 қаноатбахш арзёбӣ гардида, таъкид шуд, ки дар соли навбати барои баланд бардоштани нишондод ва омода намудани мутахассисони касбӣ дар соҳаи варзиши мамлакат аз ҳозир ҷораҷӯи намуда, нақшаву барномаҳои нав рӯи кор оранд.
Раиси Кумита таъкид намуданд, ки роҳбарият ва масъулини муассисаро мебояд, ки минбаъд якҷо бо Кумита ва федератсияҳои варзишии мамлакат корбарӣ намуда, таъмини иштироки варзишгаронро дар чемпионатҳои ҷаҳон, Осиё ва мусобиқаҳои байналмилалии тақвимию рейтингӣ ба роҳ монда, барои ба даст овардани роҳхати Бозиҳои олимпии Лос Анҷелес 2028 аз ҳозир омодагии ҷиддӣ дида, тадбирҳои заруриро роҳандозӣ намоянд.
Ҳамзамон вобаста ба фаъолияти Муассиса дар соли 2025 як зумра дастуру супоришҳои мушаххас дода шуд.
Сипас, як қатор кормандони муассиса бо сипоснома қадршиносӣ гардиданд.
Маркази таҳлил ва иттилооти Кумита
