Дар Донишгоҳ донишгоҳи байналмиллалии забонҳои хориҷии Тоҷикистон бахшида ба Рӯзи ҷавонони Тоҷикистон чорабинии идона таҳти унвони “Як рӯзи ҷавонӣ” баргузор гардид, ки дар он ректор, профессор Жило Гулназарзода ва муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Сураҷ Чоршанбезода ширкат намуданд.
Ректори Донишгоҳ Жило Гулназарзода ҳозиринро бо муносибати Рӯзи ҷавонон ва эълон гардидани Рӯзи байналмилалии футбол табрик гуфта, дар бораи иқдомоти бузургу арзишманди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба ҷавонон дар замони соҳибистиқлолӣ ёдовар шуд.
Зикр гардид, ки бояд ҷавонони саодатманди тоҷик дар ҷавоб ба ин ҳама ғамхорию дастгириҳои Ҳукумати Ҷумҳурии Тоҷикистон саҳми худро бо омӯхтани донишҳои муосир, забонҳои хориҷӣ, илмомӯзӣ ва мутолиаи китоб гузошта, Тоҷикистонро дар арсаи байналмилалӣ муаррифӣ намоянд.
Дар идома Сураҷ Чоршанбизода дар бораи айёми ҷавонӣ, ташаббусҳои ҷавонон, дастгириҳои Ҳукумати Ҷумҳурии Тоҷикистон бо роҳбарии Пешвои миллат муҳтарам Эмомалӣ Раҳмон ибрози назар карда, ҷавононро ба худшиносию ватандӯстӣ, ҳимояи марзу буми давлатӣ, манфиатҳои миллӣ ва арҷ гузоштан ба муқаддасоти миллӣ ҳидоят кард.
Ҳамчунин, зикр гардид, ки ҷавонони Донишгоҳи байналмилалии забонҳои хориҷии Тоҷикистон ба номи Сотим Улуғзода дар чорабиниҳои сатҳи ҷумҳуриявӣ ва байналмилалӣ фаъолияти назаррас дошта, дар татбиқи сиёсати давлатии ҷавонон саҳми назаррас доранд.
Дар идома ба як гурӯҳ омӯзгорону донишҷӯён ва ғолибони озмунҳои моҳвораи ҷавонон ифтихорномаву сипоснома ва туҳфаи хотиравии раёсати Донишгоҳ ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон тақдим карда шуд.
Мавриди зикр аст, ки қисмати фарҳангии чорабинӣ аз ҷониби дастаи ҳунарии “Субҳи ҷавонӣ” – и Донишгоҳ дар сатҳи баланд доир гардида, дар он донишҷӯёни соҳибистеъдод бо пешниҳоди суруду шеърҳои ватандӯстона ва рақсҳои зебои тоҷикиву хориҷӣ табъи ҳозиринро болида гардониданд.
