Имрӯз дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон таҳти роҳбарии Зулфиқор Гулаҳмадзода – Раиси Кумита, бо иштироки муовини якум ва муовинони Раис, роҳбарони воҳидҳои сохторӣ, роҳбарони муассисаҳои зертобеъ, роҳбарони сохтор ва зерсохтори Кумита дар вилоят, шаҳру ноҳия ва кормандони Дастгоҳи марказӣ ҷаласаи Ҳайати мушовараи Кумитаи кор бо ҷавонон ва варзиши назди Ҳукумати Ҷумҳурии Тоҷикистон оид ба ҷамъбасти натиҷаҳои рушди соҳаи кор бо ҷавонон ва варзиши Ҷумҳурии Тоҷикистон ва фаъолияти Кумита дар семоҳаи якуми нимсолаи аввали соли 2024 ва вазифагузориҳо то ҷамъбасти нимсолаи якуми соли 2024 баргузор гардид.
Ҷаласаи Ҳайати мушовара бо суханони ифтитоҳии Раиси Кумита оғоз гардида, вобаста ба ҷамъбасти натиҷаҳои рушди соҳаи кор бо ҷавонон ва варзиши Ҷумҳурии Тоҷикистон ва фаъолияти сохтор ва зерсохторҳои Кумита дар семоҳаи якуми нимсолаи аввали соли 2024 аз ҷониби муовини якуми Раиси Кумита ҳисоботи муфассал ироа гардид.
Аз натиҷаи ҳисоботи ироа шуда фаъолити сохтор ва зерсохтори Кумита давоми се моҳи охир натиҷагирӣ карда шуда, Раиси Кумита, ҷиҳати иҷрои пурра ва самараноки дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Ҳукумати ҷумҳурӣ ва Дастгоҳи иҷроияи Президенти Ҷумҳурии Тоҷикистон ва вазифаҳои низомномавии Кумита, инчунин бартараф намудани камбудиву норасоиҳо ва бозҳам беҳтар намудани фаъолият дар давоми нимсолаи якуми соли 2024 ба масъулин дастуру супоришҳо доданд.
Ҳамчунин таъкид гардид, ки дар ҳамкорӣ бо мақомоти дахлдор ва аҳолӣ бояд дар тарбияи насли бофарҳангу босавод ва огоҳу масъулиятшинос, тарғиби тарзи ҳаёти солим байни ҷомеа ва иштироки варзишгарон дар мусобиқаҳои сатҳи ҷаҳонӣ ва иҷроиши нақшаҳои ба тасвибрасида пайваста чораҳо андешида шаванд.
Ҳамзамон аз ҷониби роҳбарони раёсатҳои ВМКБ ва вилояти Суғду Хатлон дар бораи фаъолияташон ҳисобот пешниҳод карда шуд.
Дар интиҳои ҷаласаи Ҳайати мушовара вобаста ба масъалаҳои баррасишуда қарорҳои дахлдор қабул карда шуд.
Маркази таҳлил ва иттилооти Дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон.
